borgarholtsskoli-11

Borgarholtsskóli

bila

boknam-2

boknam

felag

fram

afrekid-2

afrekid

list

gears

sernam

vinnu

borgarholtsskoli-8

borgarholtsskoli-9

borgarholtsskoli-21

bioparadis

borgarholtsskoli-12

travel

borgarholtsskoli-27

Velkomin í Borgó

Ársæll skólameistari bauð nýnema velkomna

Námsráðgjafar skólans kynntu þjónustu sína

Nemendafélag skólans kynnti félagslífið

Nemendur fóru meðal annars í paintball

Mánudaginn 18. ágúst var nýnemadagur Borgarholtsskóla. Hefð er fyrir því að bjóða nýnemum að koma degi fyrr í skólann en eldri nemum og gefa þeim þannig færi á að kynnast skólahúsnæðinu, umsjónarkennarunum sínum og þeirri þjónustu sem boðið er upp á í skólanum. Nemendafélag skólans gefur öllum nýnemum peysur sem afhentar voru á nýnemadaginn.
Eftir kynningar frá umsjónarkennurum fengu nýnemar grillaðar pylsur og haldið var í skemmtigarðinn þar sem farið var í skemmtilega leiki og var ýmiss afþreying í boði. Dagurinn var mjög vel heppnaður og nýnemar skólans eflaust aðeins öruggari að hefja nám sitt við skólann.
Seinna sama dag var kynning fyrir foreldra/forráðafólk nýnema þar sem þeim var boðið að mæta og kynnast starfsemi skólans og þjónustu hans. Vel var mætt og ljóst að forráðafólk nýnema hyggst taka virkan þátt í námi barna sinna.

Nýnemar og hluti stjórnar NFBHS í Skemmtigarðinum 

<div id="container_l3mShT68F40" class="container cursorPointer focusable" tabindex="0" aria-label="Download Free Editable Calendar 2025 With Usa Holidays Sunday Start ..." aria-haspopup="true">
<div id="container_6CUAFjwTpj-" class="container "></div>
</div>
<div id="container_wnvNRpmXEE7" class="container ">
<div id="container_yZUG49IzU4_" class="container ">
<div id="container_qXWMScE5Bd2" class="container ">
<div class="text_wrapper BlockTextNone color_BlockTextBase">
Nú líður að upphafi haustannar en kennsla hefst samkvæmt stundatöflu hjá nemendum í dagsskóla þriðjudaginn 19. ágúst. Stundatöflur og námsgagnalista er að finna á námsvefnum <a href="https://inna.is/">www.inna.is</a>. Stundatöflur verða aðgengilegar frá og með 14. ágúst.
Mánudaginn 18. ágúst kl. 09:00 til 14:00 er nýnemadagur en þá mæta nýnemar, fá kynningu á skólanum og hitta umsjónarkennara sína. Það er engin hefðbundin kennsla þennan dag.
Sama dag kl. 16:30 er foreldrum og forráðafólk nýnema boðið á sal þar sem þau fá kynningu á skólanum og starfsemi hans.
Þriðjudaginn 19. ágúst hefst kennsla samkvæmt stundaskrá hjá nemendum í dagskóla. Nemendur sem hyggja á útskrift á komandi skólaári geta þann dag fengið ráðgjöf varðandi útskrift hjá áfangastjóra og/eða sviðsstjórum.
Þriðjudaginn 19. ágúst hefst einnig kennsla í kvöldskóla í málmiðngreinum.
<a href="https://us06web.zoom.us/j/85135477299?pwd=swjm4GE7cv17JKzlfzqQNbabR66lcQ.1">Fimmtudaginn 28. ágúst, kl. 17:00 verður kynning fyrir dreifnámsnemendur á Zoom.</a> 
Föstudaginn 29. ágúst hefst kennsla í dreifnámi með fyrstu staðlotu annarinnar.
</div>
</div>
</div>
</div>

Ársæll skólameistari brautskráir Jagúarinn

Ólafur Gunnar, kennari í bílamálun og bifreiðasmíði, segir frá viðgerðarferlinu

Starfsfólk Borgarholtsskóla stillir sér upp við spegilgljáandi Jagúarinn

Laugardaginn 14. júní síðastliðinn var haldin hátíð á Gljúfrasteini, húsi skáldsins. Tilefnið var ærið því eftir um fjögurra ára fjarveru var Jagúarbifreið Halldórs Laxness komin aftur á sinn stað í hlaðinu.
Forsaga málsins er sú að fyrir rúmum fjórum árum hafði forsvarsfólk safnsins samband við skólann og óskaði eftir því að bíllinn, sem var orðinn töluvert illa leikinn eftir að hafa staðið úti í alls kyns veðrum, yrði tekinn til kostanna af nemendum skólans í bifreiðasmíði og bílamálun. Eftir töluverða umhugsun ákváðu kennarar skólans í greinunum að taka verkefnið að sér ásamt nemendum sínum.
Bíllinn kom í hús og var pússaður niður í stál, ryðbættur og réttur og loks málaður í sínum fallega hvíta lit. Alls komu um 60 nemendur að vinnu við bílinn og er óhætt að segja að vel hafi til tekist.
Þau sem leggja leið sína að safninu á Gljúfrasteini í sumar geta barið dýrðina augum.
Þökkum við hinu frábæra starfsfólki safnsins og velunnurum bílsins kærlega fyrir gott og gefandi samstarf. Það er verðmætt fyrir nemendur okkar að fá tækifæri til að takast á við verkefni þar sem sameinast menning, saga, handverk og útsjónarsemi.
<a href="https://www.gljufrasteinn.is/" target="_blank" rel="noopener">Gljúfrasteinn, hús skáldsins</a>
<a href="https://www.facebook.com/reel/1358852118528345" target="_blank" rel="noopener">Myndband frá athöfninni</a>

Jagúarinn kominn á sinn stað í hlaðinu á Gljúfrasteini

Yaliana Valeska Sanchez Suarez og Patrick Le Ménès

Nemendurnir sem voru heiðraðir ásamt Patrick Le Ménès

Þriðjudaginn 10. júní bauð Patrick Le Ménès, sendiráðunautur hjá Sendiráði Frakklands á Íslandi, til móttöku til heiðurs bestu útskiftanemendum í frönsku skólaárið 2024 – 2025. Móttakan var haldin í Alliance Française í Reykjavík.
Yaliana Valeska Sanchez Suarez var boðið í mótttökuna fyrir hönd útskriftarnemenda Borgó. Eva Leplat Sigurðsson kenndi Yaliana frönsku í Borgarholtsskóla og fékk hún hreinar 10 í öllum þeim frönskuáföngum sem hún tók.
Nemendur fengu verðlaun og að því loknu var boðið upp á léttar veitingar.
Yaliana Valeska Sanchez Suarez fær hamingjuóskir með framúrskarandi árangur.

Eva Leplat Sigursson, Yaliana Valeska Sanchez Suarez og Patrick Le Ménès

Skólameistari og aðstoðarskólameistara leiða nemendur í salinn

Skólahljómsveit Mosfellsbæjar leik lög fyrir athöfnina undir stjórn Daníels Friðjónssonar

Flosi Jón Ófeigsson var kynnir á athöfninni

Ársæll Guðmundsson skólameistari setti athöfnina og flutti kveðjuorð til útskriftarnema

Ásta Laufey Aðalsteinsdóttir aðstoðarskólameistari flutti yfirlit annar

Sönghópur Borgarholtsskóla flutti tvö lög og söng Særún Georgsdóttir einsöng í öðru þeirra

Elmar Sigmarsson fékk fjölmörg verðlaun fyrir góðan námsárangur en hann útskrifaðist af náttúrufræðibraut

Sylvía Þórðardóttir útskriftarnemi af leiklistarkjörsviði listnámsbrautar hlaut hæstu einkunn á stúdentsprófi

Sigríður Dóra Guðmundsdsóttir fékk verðlaun fyrir sérlega góðan árangur í sögu frá Sögufélaginu

Dagmar Njarðardóttir nýstúdent flutti kveðjuorð útskriftarnema

Arnór Steinn Ívarsson flutti ávarp 10 ára útskriftarnema

Valgeir Örn Ragnarsson flutti ávarp 20 ára útskriftarnema

Nemendur sem útskrifuðst úr íþróttakademíu Borgarholtsskóla

Útskriftarnemar af félagsvirkni- og uppeldisbrautum

Það voru margir hvítir kollar um ganga Háskólabíós í dag

Það er mikil fjölbreytni í Borgarholtsskóla

Eva Leplat Sigurðsson, Ársæll Guðmundsson, Óttar Ólafsson, Ásgeir Þorsteinsson og Ásta Laufey Aðalsteinsdóttir

Brautskráning Borgarholtsskóla fór fram í Háskólabíói miðvikudaginn 28. maí 2025. Athöfninni var auk þess streymt á facebook síðu skólans af nemendum í kvikmyndagerð undir stjórn Þorgeirs Guðmundssonar kennara.
Skólahljómsveit Mosfellsbæjar spilaði undir stjórn Daníels Friðjónssonar í salnum á meðan gestir voru að koma sér fyrir í sætum.
Ársæll Guðmundsson skólameistari setti athöfnina en gaf svo orðið til Flosa Jóns Ófeigssonar sem var kynnir og stýrði athöfninni.
Ásta Laufey Aðalsteinsdóttir aðstoðarskólameistari flutti annál annarinnar. 1324 nemendur stunduðu nám við skólann, 1038 í dagskóla og 286 í dreifnámi. Í bóknámi voru 332 nemendur, í iðn- og starfsnámssviði voru 606 nemendur, í listnámi voru 134 nemendur og á undirbúnings- og sérnámssviði voru 130 nemendur, auk þess voru 22 grunnskólanemendur í lisnámsvali. Ásta Laufey fór yfir það helsta sem gerst hefur á önninni, bæði í hinu formlega skólastarfi og hjá Nemendafélagi skólans sem staðið hefur sig mjög vel.
Kór Borgarholtsskóla flutti tvö tónlistaratriði undir stjórn Guðbjargar Hilmarsdóttur kennara. Fyrra lagið sem þau fluttu var Ástarsæla &#8211; lag Gunnars Þórðarssonar við ljóð Þorsteins Eggertssonar en Særún Georgsdóttir söng einsöng. Hið síðara var Vikivaki, lag Valgeirs Guðjónssonar við texta Jóhannesar úr Kötlum.
Ársæll og Ásta Laufey sáu um brautskráningu nemenda ásamt sviðsstjórum en 129 nemendur voru brautskráðir af flestum námsbrautum skólans og sumir útskrifuðust af fleiri en einni braut. Öllum útskriftarnemum var afhent birkiplanta til gróðursetningar en það er hefð sem var innleidd á fyrstu árum skólans. Fjölmörg verðlaun og viðurkenningar voru veitt fyrir frábæran námsárangur og skólasókn.
Dagmar Njarðardóttir flutti kveðjuávarp útskriftarnema en hún brautskráðist af listnámsbraut, grafískri hönnun og er hún fráfarandi forseti nemendafélags Borgó. Ávarp 10 ára útskriftarnema flutti Arnór Steinn Ívarsson sem útskrifaðist af félagsfræðabraut árið 2015. Valgeir Örn Ragnarsson flutti ávarp 20 ára útskriftarnema en hann útskrifaðist af félagsfræðabraut árið 2005.
Ársæll Guðmundsson flutti kveðjuorð til brautskráðra nemenda þar sem hann talaði um tileinkunn, grunngildi skólans og einkunnarorð. Hann sagðist vonast til að útskriftarnemar hefðu fengið gott veganesti frá Borgarholtsskóla þannig þeim auðnaðist að fara troðnar sem ótroðnar slóðir og ná árangri og markmiðum sínum. Hann bað útskriftarnema að vera óhrædd við að prófa sig áfram og skapa eitthvað nýtt auk þess að tileinka sér góðmennsku, trú og kærleika.
Þrír kennarar láta af störfum vegna aldurs þetta vorið en það eru þau Ásgeir Þorsteinsson, Eva Leplat Sigurðsson og Óttar Ólafsson.  Þau voru sérstaklega heiðruð um leið og þeim var þakkað fyrir óeigingjarnt starf í þágu nemenda og skóla.
Velunnurum skólans var þakkað fyrir þeirra framlag til skólastarfsins. Starfsfólki Borgarholtsskóla var þakkað fyrir samstarfið á skólaárinu. Einnig var öllum þeim, sem með einum eða öðrum hætti, komu að framkvæmd og skipulagningu brautskráningarinnar færðar sérstakar þakkir.
Að lokum var nemendum óskað velfarnaðar og góðs gengis í að ná sínum markmiðum, auk þess sem þeim var þakkað fyrir að lífga upp á skólalífið á námsárum sínum.
Fleiri myndir frá athöfninni eru á <a href="https://www.facebook.com/Borgarholtsskoli" target="_blank" rel="noopener">facebook síðu skólans</a>.

Útskriftarhópur vor 2025 ásamt skólameistara og aðstoðarskólameistara

Á 10 ára afmæli Borgarholtsskóla, árið 2006, stofnaði  Ása Björk Gísladóttir, fyrrum nemandi á sérnámsbraut skólans, <a href="https://www.borgo.is/namid/sernamsbraut/menningarsjodur-sernamsbrautar" target="_blank" rel="noopener">menningarsjóð brautarinnar</a> sem fékk nafnið Ásusjóður.  Sjóðurinn hefur verið starfandi síðan þá og styrkt ýmsa menningarviðburði fyrir nemendur brautarinnar.
Þriðjudaginn 13.maí kom Sigrún Benediktsdóttir móðir Ásu Bjarkar og veitti sjóðnum veglega gjöf, 500.000.- kr.
Fyrir áhugasama þá er hægt að gefa í sjóðinn, t.d. í tilefni afmæla, ferminga, giftinga eða til minningar, og styðja þannig við viðburði fyrir sérnámsbraut. Kennitala sjóðsins er 040249-4279 og reikningsnúmer 0130-26-101849.

Tekið á móti styrknum. F.v. Magnea, Sigrún, Guðrún, Ársæll, Hrönn og Halldóra.

Leikskólabörnin fengu að spreyta sig á þrautum með nemendum 

Lokasýning LEI1C05 (leiktækni, sirkus og sviðsbardagatækni) fór fram 12. maí. Nicholas Arthur Candy og Guðmundur Elías Knudsen kenna LEI1C05. Sýningin fór fram í leikskólanum Engjaborg, rétt hjá Borgarholtsskóla. Þar voru elstu deildir leikskólans úti í leik og var börnunum smalað saman til að fylgjast með. Þau, ásamt starfsfólki, horfðu á atriðin og tóku einnig þátt í stuttri sýnikennslu að því loknu. Farið var yfir djögl, snúningsdiska og jafnvægisæfingar.
Þetta var mjög vel heppnuð sýning og öll skemmtu sér konunglega – bæði leikskólabörnin og nemendurnir.
&nbsp;

Leikskólabörnin fylgjast áhugasöm með

Sérnámsbraut Borgarholtsskóla hefur löngum átt góða bakhjarla en einn af þeim er Kiwanisklúbburinn Höfði sem styrkt hefur sérnámsbraut skólans frá árinu 2007.  
Þann 12. maí komu tveir félagar úr klúbbnum, þeir Brynjólfur Gíslason og Jón Kjartan Sigurfinnsson færandi hendi og afhentu Ársæli Guðmundssyni skólameistari skólans 1.000.000.- kr. styrk fyrir nemendur brautarinnar. Útskriftarnemendur sérnámsbrautar hafa þegar hlotið góðs af styrkjum sjóðsins þegar þau fóru í vel heppnaða ferð til Danmerkur í apríl síðastliðnum.

Ársæll skólameistari tekur við styrknum 

Nemendur og kennarar með blóm að sýningu lokinni

Þorgeir hélt tölu fyrir sýningu þar sem hann hrósaði nemendum fyrir vinnusemi og metnað

Laugardaginn 10. maí fór fram sýning á lokaverkefnum útskriftarnema í kvikmyndagerð. Sjö myndir voru sýndar og húsfyllir var í Bíó Paradís þar sem sýningin fór fram. Myndirnar voru vandaðar og greinilegt að nemendur hafa lagt gríðarlega vinnu í þessi verkefni. Verkefnin er unnin undir stjórn Þorgeirs Guðmundssonar, Þiðriks Christians Emilssonar, Curvers Thoroddsen og Kristínar Maríu Ingimarsdóttur kennara á listnámsbraut.
Sýndar voru myndirnar:
Grjót &#8211; Freyja Rún Friðriksdóttir 
Andlát &#8211; Ísabella Breiðdal 
Kítl &#8211; Inga Malen Andersen 
Mold &#8211; Jóhannes Axel Jónsson 
Óreiða &#8211; Ísold Hekla Þórðardóttir 
Áskorun &#8211; Arnar Már Atlason 
Rottur &#8211; Fríða Dís Möller

Nemendurnir með rósir sem þau fengu að sýningu lokinni 

Nemendur í bóknámi færðu kennurum í bóknámi og í íþróttaakademíu súkkulaðiköku

Jón Finnur og Unnur fengu sérstaka viðurkenningu frá þessum nemendum

Kennarar í grafískri hönnun fengu bolla og bækur frá sínum nemendum

Nemendur í kvikmyndagerð færðu sínum kennurum stuttermabol með mynd af hópnum

Hallur Hrafn var krýndur sem nýr formaður NFBHS þar sem Dagmar útskrifast í vor

Fangarnir voru sumir með grímu af Bandaríkjaforseta

Ísak og Snorri færðu Guðnýju þennan dýrgrip

Þessir nemendur voru klædd sem persónur úr Mario Bros

Tilvonandi útskriftarnemar vorið 2025 dimmiteruðu föstudaginn 9. maí.
Nemendum var boðið upp á morgunmat í matstofu starfsfólks ásamt starfsfólki. Að því loknu færðu nemendur nokkrum kennurum kveðjugjafir að skilnaði. Ferðinni var svo heitið í miðbæ Reykjavíkur þar sem nemendur fara í ratleik og önnur ævintýri. Nemendur voru í fjölbreyttum búningum að vanda og gleðin var alltumlykjandi.
Það er alltaf ljúfsárt að kveðja útskriftarnemendur en þessir nemendur eiga framtíðina fyrir sér sama hvað þau taka sér fyrir hendur. Þeim er þakkað kærlega fyrir að augða okkar skólasamfélag síðustu ár.

Hópurinn tilbúinn í ævintýri dagsins

Dagmar Njarðardóttir með verkum sínum

Birna Margrét Guðjónsdóttir með verkum sínum

Rebecca Halldórsdóttir með verkum sínum

Guðbjörg Anna Haraldsdóttir með verkum sínum

Guðrún Björg Ásgeirsdóttir með verkum sínum

Ingibjörg Jakobína Jónsdóttir með verkum sínum

Aron Smári Kjartansson með verkum sínum

Arnar Axel Jóhannsson með verkum sínum

Perla Sól Guðjónsdóttir með verkum sínum

Elísa Björt Benediktsdóttir með verkum sínum

Aðalheiður Lára Jósefsdóttir með verkum sínum

Pétur Baldvin Einarson með verkum sínum

Fimmtudaginn 8. maí var opnun sýningar á lokaverkefnum útskriftarnema í grafískri hönnun á Borgarbókasafni menningarhúsi í Spönginni. Þar eru sýnd fjölbreytt og glæsileg verkefni nemenda sem þau hafa unnið í námi sínu í Borgarholtsskóla. Einnig eru til sýnis portfolio möppur nemenda þar sem getur að líta sýnishorn af verkum þeirra.
Verkefnin hafa nemendur unnið undir styrkri stjórn kennara í grafískri hönnun, Kristínar Maríu Ingimarsdóttur, Kristínar Þóru Guðbjartsdóttur og Ragnhildar Ragnarsdóttur. Þær eiga mikið lof skilið fyrir vinnu sína með nemendum.
Ársæll Guðmundsson skólameistari hélt stutta tölu ásamt Guðnýju Maríu Jónsdóttur sviðsstjóra og Kristínu Maríu Ingimarsdóttur fagstjóra. Guðný María færði svo nemendum rósir og kennurum þeirra blómvönd með hamingjuóskum.
Nemendum og kennurum er óskað innilega til hamingju með glæsilega sýningu. Sýningin stendur til 20. maí og eru öll hvött til þess að leggja leið sína á bókasafnið í Spönginni og virða fyrir sér afraksturinn af vinnu vetrarins.

Nemendur ásamt kennurum í grafískri hönnun

Danfoss á Íslandi kom færandi hendi fyrir skömmu þegar fyrirtækið gaf pípulagningadeild skólans átta þrýstijafnara og átta slaufuloka með öllu tilheyrandi.
Fyrir skömmu óskuðu kennarar við pípulagningadeildina eftir því að fá notaðan búnað frá pípurum. Danfoss á Íslandi fékk veður af þessari umleitan og ákvað að gefa skólanum umræddan búnað. Deildin hefur frá stofnun notið góðs stuðnings birgja sem tengjast greininni og er því vel búin tækjum og búnaði sem jafnast á við það sem notað er í pípulögnum í dag.
Borgarholtsskóli færir Danfoss á Íslandi kærar þakkir fyrir höfðinglega gjöf.

Magnús Þór Guðmundsson kennari í pípulögnum með gjafirnar 

Guðbjörg stýrði söngnum bak við píanóið

Kór Borgarholtsskóla hélt tónleika í matsal skólans þann 7. maí undir stjórn Guðbjargar Hilmarsdóttur kórstjóra. Sungin voru fjölbreytt lög en í tilefni afmælis Gunnars Þórðarssonar sem fagnar áttræðisafmæli í ár var sérstök áhersla á þær dægurlagaperlur sem hann hefur fært þjóðinni í gegn um tíðina. Guðlaug Gyða Hannesdóttir, Álfur Embla Jónsson, Emilía Rán Emilsdóttir, Særún Georgsdóttir og Anný Elísabet Jónasdóttir sungu einsöng en Anný spilaði einnig á þverflautu.
Tónleikarnir voru glæsilegir og bjart yfir syngjandi framtíð þessara nemenda. Til hamingju kór og kórstjóri.

Nemendur á þriðja ári á leiklistarkjörsviði sýndu lokaverkefnið sitt, Fokking heimskur fugl, í húsnæði Leikfélags Kópavogs í síðustu viku. Sýndar voru þrjár sýningar og voru þær allar vel sóttar. Fokking heimskur fugl er eftir Aron Posner og byggir á Mávinum eftir Chekov. Verkið fjallar um fjölskyldu þar sem allir þrá eitthvað annað en þeir fá.
Sýningin var nemendum og kennurum til sóma og ljóst er að mikil vinna hefur farið í uppsetninguna. Nemendur hafa unnið að verkefninu undir stjórn Guðnýjar Maríu sviðsstjóra auk Flosa, Guðmundar og Evu Bjargar kennara, á listnámsbraut.
Bæði nemendum og kennurum sem komu að sýningu er óskað innilega til hamingju með flotta uppsetningu.

Úrslit Ungra frumkvöðla voru kunngjörð á dögunum. Eitt af þeim fyrirtækjum sem kepptu fyrir hönd Borgarholtsskóla komst í úrslit en það var fyrirtækið Stormur. <a href="https://www.instagram.com/stormur_nys/">Stormur</a> er fyrirtæki sem býr til afþreyingu fyrir fólk með heilabilun. Þær Elija Ernesta Chirv, Elísa Dís Sigfinnsdóttir, Rebekka Lind Einarsdóttir og Nína Margrét Jónasdóttir standa að fyrirtækinu. Fyrirtækið Urri frá Menntaskólanum við Sund bar sigur úr býtum í keppninni að þessu sinni en ýtarlegri yfirlit yfir úrslit keppninnar má finna finna á heimasíðu <a href="https://www.ungirfrumkvodlar.is/allir-vvnningshafar-fyrirtkjasmiju-ungra-frumkvoela-ja-iceland-2025">Ungra frumkvöðla</a>.
Stormi er óskað innilega til hamingju með frábæran árangur í keppninni.

Nína, Elísa og Rebekka (á myndina vantar Eliju)

Nemendur í kvikmyndagerð vinna í verkefninu

Nemendur á öðru ári í leiklist og kvikmyndagerð tóku þátt í skemmtilegu samstarfsverkefni nýlega. Nemendur á leiklistarkjörsviði sömdu handrit að sápuóperu og léku á meðan nemendur á kvikmyndakjörsviði kvikmynduðu, sáu um hljóðvinnslu og klipptu.
Verkefnið var bæði þroskandi og skemmtilegt, bæði fyrir nemendur í leiklist og kvikmyndagerð.

Vörumessa Ungra frumkvöðla fór fram í Smáralind um helgina. Vörumessan er lokasýning á afurðum sem framhaldsskólanemendur vinna fyrir keppnina Ungir frumkvöðlar en það er keppni á milli framhaldsskólanna þar sem nemendur búa til fyrirtæki og reka það. Um 600 nemendur með 142 fyrirtæki frá 18 framhaldsskólum tóku þátt í ár.
Tólf fyrirtæki frá Borgarholtsskóla tóku þátt en þau vinna að þessari hugmynd í lokaáfanga nýsköpunar (NÝS3A05), sem er skylduáfangi á bóknámsbrautum skólans. Unnur Gísladóttir, kennari í nýsköpun, hefur haft umsjón með nemendum í þesssari vinnu.
Fyrirtæki Borgarholtsskóla eru:
<a href="https://www.instagram.com/_alvar_decor_/">Álvar</a>: Endurnýta áldósir og búa til myndir sem endurspegla íslenska náttúru. 
<a href="https://www.instagram.com/bjarmi_kerti/">Bjarmi</a>: Kertaskreytingar til styrktar Palestínu. 
<a href="https://www.instagram.com/logn.isl/">Logn</a>: Heimasíða sem kennir íþróttafólki að teipa meiðsli rétt. 
<a href="https://www.instagram.com/olly.husgogn/">Ollý</a>: Húsgögn gerð úr gömlum hjólabrettum. 
<a href="https://www.instagram.com/lumi_krit/">Lúmí</a>: DIY kassi með náttúrulegum efnum. 
<a href="https://www.instagram.com/raudaaldan/">Rauða aldan</a>: Harðfiskur með chilli bragði. 
<a href="https://www.instagram.com/straumur_straumur/">Straumur</a>: Hillur gerðar úr pallettum og netum. 
<a href="https://www.instagram.com/syrenaisland/">Sýrena</a>: Kombucha með kirsuberjum og kollageni. 
<a href="https://www.instagram.com/vetrarbraut_stjornur/">Vetrarbraut</a>: Endurnýttir rammar og speglar verða að stjörnumerkjum. 
<a href="https://www.instagram.com/bylur.honnun/">Bylur</a>: Hillur fyrir hjólabretti. 
<a href="https://www.instagram.com/voltra_ja/">Voltra</a>: Teip úr endurunnu plasti. 
<a href="https://www.instagram.com/stormur_nys/">Stormur</a>: Fiktdót fyrir fólk með heilabilun.
Nemendur Borgarholtsskóla stóðu sig gríðarlega vel og er þeim, sem og Unni, óskað til hamingju með flottan afrakstur af vinnu annarinnar. Úrslit keppninnar verða síðar í mánuðinum og verður spennandi að sjá hvort fyrirtæki Borgó verði í þeim hópi.

Einbeittir nemendur að vinna í streyminu

Nemendur á listnámsbraut, kvikmyndakjörsviði, hafa undanfarna viku streymt undankvöldum Músíktilrauna í Hörpu. Músíktilraunir hafa verið stór þáttur í tónlistarlífi Íslendinga frá því fyrsta keppnin var haldin árið 1982 og þar hafa margar af þekktustu hljómsveitum og tónlistarmönnum landsins komið fram á sjónarsviðið.
Undankvöldin hafa verið haldin í Norðurljósasal Hörpu og hafa nemendur okkar streymt öllum undankvöldunum. Úrslitakvöldið fer svo fram 9. apríl en þá tekur RÚV við streyminu.
Nemendurnir hafa staðið sig gríðarlega vel við streymið undir stjórn Þorgeirs Guðmundssonar og Þiðriks Christians Emilssonar, kennara í kvikmyndagerð. Viðburðir eins og þessir veita nemendum dýrmæta þjálfun á vettvangi og bæta mikilli reynslu við nám þeirra.
<a href="https://musiktilraunir.is/" target="_blank" rel="noopener">Músiktilraunir – Músiktilraunir</a>

Nemendur streyma undankvöldi Músíktilrauna

Nemendur í afbrotafræði (FÉL3F05) hjá Magnúsi Einarssyni fengu áhugaverða heimsókn á dögunum þegar Helgi Gunnlaugsson, afbrotafræðingur og prófessor í félagsfræði við Háskóla Íslands kom.
Helgi Gunnlaugsson kynnti fyrir nemendum rannsókn sem gerð var á Norðurlöndunum um viðhorf ungs fólks til afbrota og refsinga. Rannsókninni er ætlað að afla upplýsinga um afstöðu almennings til afbrota og refsinga á Norðurlöndum.
Nemendur skoðuðu síðan nokkur afbrotamál í hópavinnu, komu með sitt álit á þeim og gerðu grein fyrir hvað þau töldu líklegt að dómstólar myndu gera í málunum.

Helgi ásamt hluta af nemendunum í afbrotafræði 

Á framhaldsskólakynningunni Mín framtíð sem fór fram í Laugardalshöll dagana 13.-15. mars gátu gestir fengið happdrættismiða. Þessum happdrættismiðum var svo hægt að skila á opnu húsi Borgarholtsskóla sem fór fram þriðjudaginn 18. mars.
Nú hafa vinningshafar verið dregnir út og hefur þeim verið sendur tölvupóstur.  Vinningshafarnir eru:
Alessandra Ósk Dobra Rúnarsdóttir 
Arna Sól Zoega 
Arnar Freyr Brynjarsson 
Arney Frigg Róbertsdóttir 
Arnór Daði Ríkharðsson 
Baldur Heiðar Oddsson 
Baldur Örn Mortensen 
Berglind Birta Georgsdóttir Bagguley 
Berglind Ída Björgvinsdóttir 
Elísabet María Birkisdóttir 
Ernir Rúnar Reynisson 
Eyþór Ingi Hafliðason 
Kristín Eyja Árnadóttir 
Leó Fannar Magnússon 
Sæunn Jóhanna Þórsdóttir 
Sölvi Beck Bjarkason 
Tanja Birna B. Blöndal 
Tinna Magnea Stefánsdóttir 
Tristan Örn Ómarsson 
Vala Fanney Farestveit
Þeim er öllum óskað innilega til hamingju með sína vinninga.

Inga Lára segir frá íþróttaakademíunni

Gestir gátu spreytt sig í bílamálunarhermi

Nic, kennari á listnámsbraut sýnir sirkuslistir

Nemendur bíða eftir að taka á móti fólki 

Opið hús var í Borgarholtsskóla 18. mars en þá gafst tilvonandi framhaldsskólanemendum og forráðafólki þeirra tækifæri til að koma, kynnast fjölbreyttu námi og þjónustu skólans auk þess að ræða við starfsfólk og nemendur. Opna húsið var einstaklega vel heppnað og stöðugur straumur áhugasamra grunnskólanemenda.
Nemendur skólans gengu með hópa fólks um skólann og kíktu í stofur þar sem var hægt að kynnast náminu betur. Þar svöruðu nemendur og kennarar spurningum gesta varðandi hinar ýmsu brautir skólans.
Nemendur og forráðafólk staldraði einnig við í matsalnum þar sem kennarar, sviðsstjórar, nemendur og fulltrúar stoðþjónustu voru til taks til að ræða allt sem tengist náminu við skólann. Nemendur á þriðja ári á leiklistarkjörsviði sýndu svo atriði úr Wicked.
Fjölmargir gestir lögðu leið sína í skólann og iðaði skólahúsið af lífi.

<div class="xdj266r x11i5rnm xat24cr x1mh8g0r x1vvkbs x126k92a">
<div dir="auto">Kvikmyndahátíð framhaldsskólanna var haldin síðastliðna helgi, 15.-16. mars í Bíó paradís. Alls voru sýndar 23 stuttmyndir á hátíðinni og voru veitt verlaun í níu flokkum. Fyrrum og núverandi nemendur Borgarholtsskóla voru sigursælir á hátíðinni en myndir frá þeim hlutu sjö af verðlaunum hátíðarinnar.</div>
</div>
<div dir="auto"></div>
<div dir="auto"></div>
<h3 dir="auto">Vinningshafar voru:</h3>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">Besta mynd &#8211; Sápa eftir Ísak Magnússon (Borgarholtsskóli)</div>
<div dir="auto">Besta handrit &#8211; Sindri Þrastarson fyrir Kvöldmatur (Borgarholtsskóli)</div>
<div dir="auto">Besti leikur &#8211; Sindri Sigfússon í Sápu (Borgarholtsskóli)</div>
<div dir="auto">Besta myndataka &#8211; Unnar Darri Magnússon fyrir Kvöldmatur (Borgarholtsskóli)</div>
<div dir="auto">Besta tæknilega útfærsla &#8211; Sápa (Borgarholtsskóli) 
Hildarverðlaunin fyrir bestu tónlist &#8211; Matthías Pétursson fyrir Draumar (Tækniskólinn) 
Áhorfendaverðlaun laugardags &#8211; Kvöldmatur eftir Sindra Þrastarson (Borgarholtsskóli) 
Áhorfendaverðlaun sunnudags &#8211; Sæmundur Fróði og Svartaskóli eftir Jökul Björgvinsson (Verzlunarskóli Íslands)</div>
</div>
<div dir="auto"></div>
<div dir="auto"></div>
<div class="x11i5rnm xat24cr x1mh8g0r x1vvkbs xtlvy1s x126k92a">
<div dir="auto">Að lokum voru í fyrsta skipti veitt verðlaun á hátíðinni fyrir bestu framleiðsluna en þau hlaut Sápa, framleiðandi Óliver Tumi Auðunsson (Borgarholtsskóli).</div>
</div>
<div dir="auto"></div>
<div dir="auto"></div>
<div dir="auto"></div>
<div dir="auto">Vinningshöfum er óskað innilega til hamingju. Á listasviði Borgarholtsskóla er greinilega mjög nærandi jarðvegur fyrir ungt kvikmyndagerðarfólk sem er að blómstra þegar á vettvang er komið.</div>

Valería vinnur í stykkinu sínu í málmssuðu

Biggi, kennari í bíliðngreinum, ásamt nemendum

Nemendur sem sýndu atriði úr Wicked ásamt Guðnýju og Flosa, kennurum á listnámsbraut

Dagana 13.-15. mars fór fram stóra framhaldsskólakynningin Mín framtíð í Laugardalshöll. Öllum nemendum landsins í 9. og 10. bekk var boðið á sýninguna en þar gátu tilvonandi framhaldsskólanemendur kynnt sér námsframboð og þjónustu skólanna. Mín framtíð var haldin í samvinnu við Mennta- og barnamálaráðuneytið, sveitarfélög og fagfélög iðn- og starfsgreina.
Nemendur og starfsfólk Borgarholtsskóla stóðu vaktina í Laugardalshöll og kynntu fyrir grunnskólanemendum þær fjölbreyttu námsleiðir sem skólinn býður upp á. Nemendur úr leiklist sýndu söngatriði úr Wicked söngleiknum og nemendur úr hinum ýmsu greinum skólans kynntu sína grein vel.
Á sama tíma hélt Verkiðn Íslandsmót iðn- og verkgreina. Keppt var í fjölmörgum greinum og tókust keppendur á við krefjandi og raunveruleg verkefni sem reyndi á hæfni, skipulagshæfileika og fagmennsku þeirra. Nemendur Borgarholtsskóla kepptu í bifvélavirkjun, bifreiðasmíði, bílamálun, málmsuðu og pípulagningum. Nemendur stóðu sig mjög vel í öllum greinum en einungis nemendur úr Borgarholtsskóla kepptu í bíliðngreinum. Valería Jakobsdóttir keppti í málmssuðu. Hún varð þó ekki hlutskörpust þar en það kom á móti að hún vann 1. verðlaun í suðuhermi sem Tækniskólinn var með en skoraði þar 96 af 100 stigum og skákaði þar með öllum dómurum og suðuverkfræðingum keppninnar og fékk vegleg verðlaun fyrir.
Sýningin tókst afar vel og stóðu nemendur sig vel í að kynna líflegt og fjölbreytt nám Borgó, ásamt því að keppa í sínum iðngreinum.
Þriðjudaginn 18. mars er opið hús í Borgarholtsskóla og þar gefst tilvonandi framhaldsskólanemendum enn betra tækifæri til að kynna sér námsframboð, aðstöðu og þjónustu skólans.
&nbsp;

Nemendur í grafískri hönnun í Borgarholtsskóla vinna reglulega verkefni fyrir MÍT (Menntaskólann í tónlist). Nemendur hafa séð um að gera plaköt og auglýsingar fyrir viðburði í MÍT, þar á meðal árlega stórtónleika sem í ár eru með þemað Bítlaæði.
Samkeppni var haldin milli nemenda um besta plakatið og að þessu sinni var það Nói Quinten Verwijnen sem varð hlutskarpastur en þau Daníel Árni Valdimarsson og Lovísa Lilja Borgþórsdóttir urðu í öðru til þriðja sæti.

Salurinn þétt setinn af foreldrum og forráðafólki

Stærðfræðikeppni hefur verið haldin árlega í Borgarholtsskóla og er nemendum í 8.-10. bekk grunnskóla í nágrenninu boðið að taka þátt. Tilgangur keppninnar er að efla áhuga ungs fólks á stærðfræði og auka tengsl við skóla í nágrenni Borgarholtsskóla.
Í ár fór keppnin fram 14. febrúar og tóku þátt tæplega 130 nemendur. Fimmtudaginn 27. febrúar fór svo verðlaunaafhendingin fram þar sem tíu efstu nemendur í hverjum árgangi fengu verðlaun eða viðurkenningar. Hópur nemenda fékk viðurkenningu fyrir góðan árangur og þau sem stóðu sig allra best fengu flotta vinninga að launum. Húsfyllir var á verðlaunaafhendingunni.
Íris Elfa Sigurðardóttir, stærðfræðikennari, hélt utan skipulag og framkvæmd keppningar og einnig naut hún aðstoðar nemenda sinna.

Björn Hlynur Haraldsson ræðir við nemendur um gerð þáttanna um Vigdísi Finnbogadóttur

Unnur Helga frá Unicef ræðir um heimsmarkmið Sameinuðu þjóðanna

Ísol Björk frá Kvennaathvarfinu talaði um ofbeldi í nánum samböndum

Nökkvi Jarl ræddi um jafnrétti í Japan

Theodór Karlsson talaði um fatlanir og jafnrétti 

Það er áralöng hefð fyrir því í Borgarholtsskóla að vekja athygli á alþjóðlegum baráttudegi kvenna, 8. mars. Að þessu sinni ber þann dag upp á laugardegi og því var ákveðið að halda upp á daginn miðvikudaginn 5. mars.
Í síðasta tíma fyrir hádegishlé var hefðbundin kennsla brotin upp og í staðinn völdu nemendur sér málstofur til að sitja. Málstofurnar voru fjölbreyttar enda hægt að ræða jafnrétti út frá mörgum mismunandi sjónarhornum. Fyrirlesarar komu bæði úr röðum starfsfólks og utanaðkomandi. Eftirfarandi málstofur voru í boði:
<ul>
<li>Femíniskar teiknimyndir &#8211; Unnur Gísladóttir</li>
<li>Jafnrétti í Japan &#8211; Nökkvi Jarl Bjarnason</li>
<li>Fatlaðir og jafnrétti &#8211; Theodór Karlsson</li>
<li>Kona á mótorhjóli í hefðbundnu karlastarfi &#8211; Ingibjörg Sölvadóttir vélvirki og rennismiður</li>
<li>Hinseginleikinn &#8211; Kristmundur Pétursson frá Samtökunum ´78</li>
<li>Fólk á flótta &#8211; Þorsteinn Valdimarsson frá Rauða krossinum</li>
<li>Ofbeldi í nánum samböndum &#8211; Ísol Björk Karlsdóttir frá Kvennaathvarfinu</li>
<li>Bergið og Jafningjafræðslan &#8211; Eva Rós Ólafsdóttir</li>
<li>Fræðsla frá Amnesty &#8211; Árni Kristjánsson frá Íslandsdeild Amnesty International</li>
<li>&#8220;Kaffihúsaspjall&#8221; þar sem áherslan var á forréttindi og jafnrétti til náms og læknisþjónustu &#8211; Ása Sæunn Eiríksdóttir og Kristín Birna Jónasdóttir</li>
<li>Mannréttindi barna &#8211; Unnur Helga Ólafsdóttir frá UniCef</li>
<li>Tilurð og gerð sjónvarpsþáttanna um Vigdísi Finnbogadóttur &#8211; Björn Hlynur Haraldsson</li>
<li>Sjónvarpsþættir um Vigdísi Finnbogadóttur</li>
</ul>
Að málstofum loknum var nemendum og starfsfólki boðið upp á súkkulaðiköku í matsal skólans.
Skipulagning jafnréttisdagsins var í höndum jafnréttisnefndar skólans en í henni eiga sæti fulltrúar starfsfólk og nemenda.
Öllum sem komu að framkvæmd jafnréttisdagsins með einum eða öðrum hætti er þakkað fyrir en sérstakar þakkir fá þau sem tóku sér tíma til að miðla þekkingu sinni og reynslu til samfélagsins í Borgarholtsskóla.

Ingibjörg Sölvadóttir, rennismiður og vélvirki ræðir við nemendur um hvernig er að vera kona í hefðbundnu karlastarfi

Á hverju ári stendur FEKÍ, félag enskukennara á Íslandi, fyrir smásagnakeppni. Þemað í keppninni í ár var fake en á hverju ári er nýtt þema. Borghyltingar hafa átt góðu gengi að fagna í keppninni og árið í ár er engin undantekning.
Katrín Vísa Höskuldsdóttir, nemandi í bíliðngreinum, lenti í öðru sæti í keppninni.
Verðlaunaafhending fór fram í Veröld, húsi Vigdísar.
Katrínu er óskað innilega til hamingju með annað sætið. Enskukennurum Borgarholtsskóla er einnig óskað til hamingju því gengi nemenda skólans ber vott um metnaðarfulla enskukennslu skólans.

Katrín Vísa tekur við verðlaunum í Veröld, húsi Vigdísar

Nemendur í miðlunarfræði, MFR3A05, og kennarar þeirra Guðbjörg Hilmarsdóttir og Þorbjörg Matthíasdóttir fengu góða heimsókn á dögunum. Nemendur hafa nýlokið við að lesa bókina Vertu úlfur, sem er sjálfsævisöguleg saga af geðhvörfum. Höfundur bókarinnar, Héðinn Unnsteinsson, kom í heimsókn og ræddi við nemendur um líf sitt, bókina og geðheilsu.
Nemendur voru verulega ánægðir með heimsóknina og spurðu Héðinn spjörunum úr. Héðni er þakkað kærlega fyrir komuna og áhugavert spjall.
&nbsp;

Héðinn Unnsteinsson útskýrir fyrir nemendum

Nýlega fór fram nýsveinahátíð Iðnaðarmannafélagsins á Hótel Natura. Þar voru verðlaunaðir sveinar sem sköruðu fram úr. Vignir Ingi Birgisson útskrifaðist sem rennismiður frá Borgarholtsskóla síðastliðið vor og lauk sveinsprófi nýlega. Hann var verðlaunaður fyrir elju og dugnað og sérlega vel útfært sveinsstykki og sveinspróf. Hann tók við verðlaunum fyrir þetta en Halla Tómasdóttir, forseti Íslands, afhenti verðlaunin. 
Þetta er annað árið í röð sem nemandi í rennismíði frá Borgarholtsskóla er verðlaunaður á hátíðinni og er það kennslu í málmiðngreinum til mikils sóma. Vigni Inga er óskað innilega til hamingju með árangurinn.

Vignir Ingi, annar frá vinstri, ásamt Höllu Tómasdóttir, forseta Íslands, meistara sínum og fulltrúa Iðnaðarmannafélags Reykjavíkur

Nemendur í heimsókn hjá Enska boltanum á Sjónvarpi Símans

Nemendur skreyttu matsalinn fyrir Glæsiballið

Söngleikjafjör þar sem nemendur æfðu lag úr Hairspray

Arnar Þór og Aron Már tóku lagið Sumartíminn

Skóhlífadagar, þemadagar Borgó, fóru fram á miðvikudag og fimmtudag í vikunni. Þá fellur hefðbundin kennsla niður en nemendur velja sér þess í stað fjölbreytt námskeið að sækja. Að vanda var úrvalið mikið en nemendur fóru á skauta, bjuggu til stop motion myndir, gerðu Eurovision nasl, perluðu armbönd fyrir Kraft, spiluðu Dungeons and dragons, léku sirkuslistir og spiluðu skák.
Því miður setti veðrið töluvert strik í reikninginn en ekki var hægt að fara í jeppaferð né sleðaferð eins og hefð hefur verið fyrir undanfarin ár. Auk þess féll niður skólahald á fimmtudeginum og varð þess vegna ekkert úr námskeiðum sem átti að halda þá. Sem betur fer gekk veðrið niður um kvöldið og hægt var að halda Glæsiballið, sem er árshátíð nemenda.
Glæsiballið var vel sótt en veislustjórar voru Arnar Þór og Aron Már Ólafssynir. Þema kvöldsins var stjörnum prýdd nótt og nemendur voru hvert öðru glæsilegra. Nemendur fengu dýrindis kalkún og meðlæti og í eftirrétt var súkkulaðimús. Starfsfólk þjónaði að vanda til borðs. Hæfileikakeppni fór fram og bar Aðalsteinn Gunnar Freysson sigur úr býtum en hann söng lagið All of me með John Legend. Hljómsveitin Húbbabúbba kom svo í lok kvölds og hélt uppi fjörinu.
Skóhlífadagar eru alltaf skemmtilegt uppbrot á skólastarfinu og Glæsiballið ómissandi hluti af félagslífi nemenda.

Nemendur í góðri stemmingu á Glæsiballi

Anna Marsý ræðir við nemendur í stúdíói 12

Á mánudaginn fóru nemendur í FJÖ2A05 í heimsókn til RÚV með kennurum sínum, Flosa Jóni Ófeigssyni og Þorbjörgu Matthíasdóttur. Sigrún Hermannsdóttir, gestastjóri og Anna Marsibil Clausen, ritstjóri hlaðvarpa tóku á móti nemendum. Nemendur fengu fyrirlestur frá Önnu Marsibil. Hún útskýrði fyrir nemendum hvernig hlaðvarp verður til auk þess sem hún útskýrði hlutverk Ríkisútvarpsins í íslensku samfélagi.
Nemendur fengu svo að fara hring um húsið þar sem þau sáu meðal annars stúdíó fréttastofu, útvarpsstúdíó auk þess að sjá búningageymsluna.
Önnu Marsý, Sigrúnu og Rúv er þakkað kærlega fyrir höfðinglegar móttökur.

Miðvikudaginn 29. janúar var landsliðsstyrkur Borgarholtsskóla afhentur. Sjö nemendur hlutu styrk að þessu sinni fyrir landsliðsverkefni á haustönn 2024.
Eftirfarandi nemendur hlutu styrk: 
Auður Bergrún Snorradóttir &#8211; Heimsmeistaramót í golfi U18 
Birna Rut Snorradóttir &#8211; Evrópumót golfklúbba 
Elísa Dís Sigfinnsdóttir &#8211; Undankeppni Ólympíuleika með A-landsliði kvenna í íshokkí 
Lilja Katrín Gunnarsdóttir &#8211; Norður-Evrópumót í áhaldafimleikum 
María Kristín Ólafsdóttir &#8211; Alþjóðlegar æfingabúðir í skíðagöngu 
Pamela Ósk Hjaltadóttir &#8211; European Girls&#8217; Team Championship, European Young Masters og European Ladies&#8217; Club Trophy í golfi 
Viktor Davíð Kristmundsson &#8211; Baltic sea championship í júdó
Meðfylgjandi mynd var tekin við afhendingu styrksins en með nemendum á myndinni er Inga Lára Þórisdóttir, deildarstjóri íþróttamála og Ásta Laufey Aðalsteinsdóttir, aðstoðarskólameistari. Á myndina vantar Elísu Dís. 
Styrkhöfum er óskað innilega til hamingju með styrkinn og árangurinn á síðastliðnu ári.
&nbsp;

Styrkhafar ásamt Ingu Láru og Ástu Laufey

Nemar á lokaönn í bifvélavirkjun fóru nýlega í heimsókn á Réttingaverkstæði Jóa til að kynna sér hvernig radar-, ljósa- og myndavélabúnaður nýrra bíla er stilltur. Búnaður þessi er ekki til í skólanum og var þess vegna haft samband við verkstæðið um að fá að koma í heimsókn. Réttingaverkstæðið tók bóninni vel og tóku á móti nemendum í sömu viku.
Þegar nemendur ásamt kennurum komu á staðinn fóru tveir starfsmenn yfir ferilinn við uppsetningu búnaðar og sýndu þeim stillingu á radar, myndavélum og ljósum. Ekki nóg með það heldur fengu nemendur einnig veitingar í boði verkstæðisins að kynningu lokinni.
Mikið gagn er að svona heimsóknum fyrir nemendur og er Réttingaverkstæði Jóa þakkað kærlega fyrir höfðinglegar móttökur.

Söngkeppni Nemendafélags Borgarholtsskóla fór fram fimmtudaginn 16. janúar. Níu þátttakendur þöndu raddböndin og voru þau hvert öðru betra. Særún Georgsdóttir stóð uppi sem sigurvegari en hún söng lagið Anyone eftir Demi Lovato, Snorri Rafn Frímannsson varð í öðru sæti með Þú sagðir sem er frumsamið lag og Sylvía Þórðardóttir í því þriðja með lagið Wizard and I, úr Wicked söngleiknum.
Í dómnefnd sátu Guðbjörg Hilmarsdóttir og Þórdís Anna Hermannsdóttir, kennarar við skólann auk Þráins Árna, gítarleikara Skálmaldar. Nökkvi Jarl Bjarnason var kynnir kvöldsins.
Það mátti sjá á atriðum kvöldsins að hæfileikana vantar ekki hjá nemendum Borgarholtsskóla og framtíðin er björt fyrir söngfuglana.

Verðlaunahafar eru fremst á myndinni en dómefndin stendur fyrir aftan

Kennsla á vorönn 2025 hefst 6. janúar samkvæmt stundatöflu. Námsgagnalista má finna á <a href="http://www.inna.is/" target="_blank" rel="noopener">Innu</a>.
Töflubreytingar hefjast 3. janúar. Aðrir nemendur en útskriftarefni senda inn beiðnir um töflubreytingar rafrænt í gegnum <a href="http://www.inna.is/" target="_blank" rel="noopener">Innu</a> og verða þær afgreiddar svo fljótt sem auðið verður. <a href="https://wp.borgo.is/wp-content/uploads/Leidbeiningar-vegna-toflubreytinga-vor-2024.pdf">Leiðbeiningar um rafrænar töflubreytingar.</a>
Útskriftarefni (þeir nemendur sem eiga um 35 einingar eða minna eftir af sinni braut) eru hvött til að hafa samband við sinn sviðsstjóra, fóstru mætingar og umsjónar eða áfangastjóra til að tryggja að allir nauðsynlegir áfangar til útskriftar séu í töflu. Þetta góða fólk verður til taks eftir kl. 10.00 föstudaginn 3. janúar og hafa útskriftarefni forgang í töflubreytingar þann dag.
Hægt er að fylgjast með lífinu í skólanum á <a href="https://www.instagram.com/borgo_skoli/" target="_blank" rel="noopener">instagramsíðum skólans</a> og <a href="https://www.instagram.com/nfbhs/" target="_blank" rel="noopener">nemendafélagsins</a> .
<a href="https://www.borgo.is/skolinn/spurningar-og-svor">Spurningar og svör varðandi skólann.</a>

Þorgeir Guðmundsson, kennari, hafði yfirumsjón með streymi athafnarinnar.

Snorri Bergsson hélt ræðu 10 ára útskriftarnema

Nemendur í kvikmyndagerð sáu um beint streymi frá athöfninni 

Nemendur ganga í salinn ásamt Ástu og Ársæli 

Stefán Fannar fékk viðurkenningu fyrir góðan árangur í íþróttaakademíu og félagsgreinum. 

Andri Haukur Vilhelmsson fékk viðurkenningu fyrir góðan árangur í grafískri hönnun

Aníta Rós Valsdóttir fékk viðurkenningu fyrir góðan árangur í leiklist og frábært starf í þágu nemendafélagsins. Hér er hún með Guðný Maríu sviðsstjóra listnáms. 

Ásta Laufey sagði frá nýafstaðinni önn 

Tinna María Stefnisdóttir fékk viðurkenningu fyrir góðan árangur í námi en hún útskrifaðist úr vélvirkjun með viðbótarnám til stúdentsprófs

Aníta Rós Valsdóttir hélt ávarp útskriftarnema

Föstudaginn 20. desember 2024 fór fram brautskráning í Borgarholtsskóla.
Skólahljómsveit Mosfellsbæjar spilaði undir stjórn Daníels Friðjónssonar í anddyri skólans á meðan gestir voru að koma sér fyrir í sætum.
Ársæll Guðmundsson skólameistari setti athöfnina og gaf Nökkva Jarli Bjarnasyni kennara því næst orðið en hann var kynnir og stýrði athöfninni. Nemendur í kvikmyndagerð undir stjórn Þorgeirs Guðmundssonar kennara streymdu beint frá athöfninni á Facebook-síðu skólans.
Ásta Laufey Aðalsteinsdóttir aðstoðarskólameistari flutti annál annarinnar og fór yfir helstu viðburði, bæði í hinu formlega skólastarfi og hjá nemendafélagi skólans.
Sönghópur Borgarholtsskóla söng tvö lög undir stjórn Olgulilju Bjarnadóttur kennara. Fyrra lagið sem þau fluttu var Fallegur dagur en lagið og textinn er eftir Bubba Morthens. Hið síðara var hinn þekkti jólasálmur Heims um ból eftir Franz Gruber við texta Sveinbjörns Egilssonar.
Ársæll og Ásta Laufey sáu um brautskráningu nemenda ásamt sviðsstjórum en 93 nemendur voru brautskráðir af námsbrautum skólans og þó nokkrir útskrifuðst af fleiri en einni braut. Fjölmörg verðlaun og viðurkenningar voru veitt fyrir góðan námsárangur.
Aníta Rós Valsdóttir flutti kveðjuávarp útskriftarnema en hún fékk einnig viðurkenningu fyrir störf í þágu nemendafélags skólans. Bergur Snorrason flutti ávarp 10 ára útskriftarnema en hann útskrifaðist af viðskipta- og hagfræðibraut árið 2014. Þess má geta að Bergur lauk nú í nóvember doktorsnámi í stærðfræði við Háskóla Íslands.
Ársæll flutti ræðu til útskriftarnema. Hann ræddi um breytingar á samfélaginu og að ungt fólk væri oft dæmt á ósanngjarnan hátt. Hann sagði að eftir langa reynslu í skóla- og uppeldismálum teldi hann að ungt fólk í dag væri upp til hópa kraftmikið, kjarkmikið, víðsýnt og skapandi. Ársæll ræddi einnig um trúarbrögð og hvernig hægt væri að læra umburðarlyndi og náungakærleik af þeim. Að lokum minnti hann nemendur á að fagna breytingum og áskorunum með hugsjón að leiðarljósi.
Velunnurum skólans var þakkað fyrir þeirra framlag til skólastarfsins. Starfsfóki skólans, sem telur um 150 manns, var þakkað fyrir samstarfið á skólaárinu og fyrir að mennta nemendur Borgarholtsskóla af metnaði, hugsjón og fagmennsku. Einnig var öllum þeim sem með einum eða öðrum hætti komu að framkvæmd og skipulagningu brautskráningarathafnarinnar færðar sérstakar þakkir.
Fleiri myndir frá athöfninni eru á <a class="secure external" title="facebook síðu skólans (Opnast í nýjum vafraglugga)" href="https://www.facebook.com/Borgarholtsskoli/" target="_blank" rel="noopener">facebook síðu skólans</a> .

Nemendur með viðurkenningar ásamt enskukennurum skólans og Ástu Laufeyju, aðstoðarskólameistara. 

Í dag, 4. desember, fór fram verðlaunaafhending fyrir bestu smásögurnar í undankeppni smásagnakeppni félags enskukennara á Íslandi (FEKÍ). Þátttaka nemenda í Borgarholtsskóla var mjög góð og úr vöndu að ráða fyrir dómnefndina, sem samanstóð af enskukennurunum Nick, Palla, Guðmundi, Írisi Rut, Martynu og Sólrúnu.
Þemað í ár var “FAKE” og nálgun nemenda að viðfangsefninu var mjög frumleg og fjölbreytt. Fimm sögur þóttu skara fram úr og voru höfundarnir verðlaunaðir með konfekti og enskum gullaldarbókmenntum. Eftirfarandi nemendur fengu viðurkenningu að þessu sinni:
Daniela Galaszewska (grafísk hönnun, þriðja ár) fékk verðlaun fyrir tvær smásögur, “The Grass” og “The Moustache” 
Katrín Vísa Höskuldsdóttir (grunnám bíliðngreina) fékk verðlaun fyrir smásöguna “In Memory Of” 
Julie Boekhoud (hollenskur skiptinemi) fékk verðlaun fyrir smásöguna “How Much of This Is Fake?” 
Guðrún Elva Kristjánsdóttir (leiklist, fyrsta ár) fékk verðlaun fyrir smásöguna “It’s Her”
Enskudeildin óskar verðlaunahöfunum innilega til hamingju og vill hún þakka öllum þeim nemendum sem tóku þátt í keppninni fyrir þátttökuna. Nemendur Borgarholtsskóla hafa nánast alltaf komist í verðlaunasæti í landskeppninni og því alveg ljóst að innan skólans leynast miklir hæfileikar á fjölbreyttum sviðum.

Katrín Vísa, Julie, Guðrún Elva og Daniela. 

Ýmis varningur sem var í verðlaun fyrir að klára þrautir

Á þriðjudag og fimmtudaginn í liðinni viku fór fram Pop-up markaður á vegum nemenda í skapandi hugmyndavinnu (SKH3A05). Einnig tóku þátt nemendur úr nýsköpun (NÝS3A05) en þeir nemendur hafa unnið að því stofna fyrirtæki í kringum einhverja hugmynd sem tengist heimsmarkmiðum Sameinuðu þjóðanna.
Margt var í boði á pop-up markaðinum en þar var til dæmis hægt að láta spá fyrir sér, fá af sér teiknaða andlitsmynd, kaupa bakkelsi, notaðan fatnað, nælur eða plaköt. Allur ágóði af markaðinum rennur til Dýrahjálpar Íslands en hvert ár velja nemendur góðgerðarsamtök sem njóta góðs af ágóða þessa markaðar. Öll vinna hefur farið fram undir stjórn Flosa Jóns Ófeigssonar og Kristveigar Halldórsdóttur, kennara á listnámsbraut.
Fjögur fyrirtæki úr nýsköpun kynntu starfsemi sína á markaðinum en það voru <a href="https://www.instagram.com/skipti.exchange/">Skipti</a>, <a href="https://www.instagram.com/sneyti.is/">Sneyti</a>, <a href="https://www.instagram.com/ungmennasaga/">Ungmennasaga</a> og <a href="https://www.instagram.com/hittup2425/">Hittup</a>. Skipti er vefsíða þar sem fólk getur skipst á flíkum sem það er hætt að nota. Sneyti er vefsíða þar sem hægt er að reikna út eldsneytiseyðslu og fundið besta verðið á eldsneyti. Ungmennasaga er hlaðvarp þar sem tekin eru viðtöl við ungt fólk af erlendum uppruna. Hittup er forrit til að tengja saman fólk með svipuð áhugamál, svipað og stefnumótaforrit nema fyrir vini. Unnur Gísladóttir, kennari, hefur haft yfirumsjón með nemendunum í nýsköpun.
Markaðurinn og fyrirtækin voru mjög flott en bæði nemendur og kennarar eiga hrós skilið fyrir hversu vel tókst til.

Kjörnefnd ásamt Flosa og Guðbjörgu í nóvembersólinni 

Fimmtudaginn 21. nóvember fóru fram skuggakosningar í Borgarholtsskóla.  Skuggakosningar eru hluti af lýðræðisátakinu #égkýs sem varð til vegna dræmrar kosningaþátttöku ungs fólks. Átakinu er ætlað að efla lýðræðisvitund og hvetja ungt fólk til að kjósa. Skuggakosningar eru kosningar þar sem framhaldsskólanemar kjósa sína fulltrúa á Alþingi og munu endurspegla vilja nemenda um allt land. Niðurstöður verða gerðar opinberar eftir að kjörstöðum lokar á kjördag alþingiskosninga, 30. nóvember.
Í tilefni af skuggakosningunum hafa frambjóðendur stjórnmálaflokka heimsótt skólann undanfarna daga, haldið stutta tölu í matsal nemenda og fengið góðar spurningar úr sal. Frambjóðendum sem heimsóttu skólann er þakkað kærlega fyrir innlitið. Flosi Jón Ófeigsson og Guðbjörg Hilmarsdóttir, kennarar á listnámsbraut, hafa haft umsjón með skuggakosningunum að þessu sinni en kjörsókn nemenda var nokkuð góð. Flosa og Guðbjörgu er þakkað fyrir vandaða vinnu við kosningarnar og undirbúning þeirra.

Nemendur á viðskipta- og frumkvöðlabraut fóru í tvær heimsóknir í síðustu viku. Annars vegar fór hópur nemenda í fjármálastjórnun í heimsókn í Kauphöllina og hins vegar heimsóttu nemendur úr þjóðhagfræði Seðlabanka Íslands.
Í Kauphöllinni tók Kristín Jóhannsdóttur á móti nemendum. Fengu þau greinargóða kynningu á hlutverki og verksviði Kauphallarinnar. Enn fremur fengu þau fína kennslu um hlutabréf, skráningu nýrra félaga í kauphöllina og fjárfestingar. Sá sem hélt kynninguna fyrir hönd Kauphallarinnar heitir Baldur Thorlacius, framkvæmdastjóri sölu og viðskiptatengsla hjá NASDAQ Ísland. Í lok heimsóknarinnar fengu nemendur að hringja hinni frægu og víðförlu kauphallar-bjöllu eins og sjá má á einni af meðfylgjandi myndum.
Í Seðlabankanum tóku þeir Stefán Jóhann Stefánsson útgáfustjóri og Stefán Rafn Sigurbjörnsson upplýsingafulltrúi bankans á móti Borghyltingum og héldu kynningu um starfsemi og hlutverk bankans. Á meðan kynningunni stóð vörpuðu nemendur fram fjölmörgum spurningum og fengu greinagóð svör frá Stefánunum tveimur.
Starfsfólki Seðlabankans og Kauphallarinnar er þakkað kærlega fyrir góðar móttökur en nemendur höfðu bæði gagn og gaman af þessum heimsóknum.

Gunnar Theódór les upp úr bók sinni Vatnið brennur

Gunnar Theódór segir frá störfum sínum

Dagur íslenskrar tungu er 16. nóvember ár hvert en það var fæðingardagur Jónasar Hallgrímssonar. Í tilefni dagsins var viðburður á vegum íslenskudeildar Borgarholtsskóla á Borgarbókasafninu í Spönginni föstudaginn 15. nóvember.
Viðburðurinn hófst með því að kór Borgarholtsskóla flutti þrjú lög undir stjórn Olgu Lilju Bjarnadóttur, söngkennara. Gunnar Theodór Eggertsson rithöfundur tók svo við og hélt fyrirlestur þar sem hann sagði frá bókunum sem hann hefur skrifað, vinnu sinni við gerð kvikmynda og tölvuleikja auk þess sem hann talaði almennt um mikilvægi þess að halda íslenkri tungu lifandi. Einnig las Gunnar Theodór stuttan kafla úr bók sinni, Vatnið brennur, sem gefin var út í fyrra. Fyrirlesturinn var bæði fræðandi og skemmtilegur auk þess sem nemendur voru mjög áhugasamir um störf Gunnars Theodórs.
Kór Borgarholtsskóla og Gunnari Theodóri er þakkað kærlega fyrir skemmtunina og fróðlegan fyrirlestur.

Nemendur Borgarholtsskóla tóku þátt í Leiktu betur föstudaginn 8. nóvember síðastliðinn. Sex nemendur voru í liði skólans, þau Hilmar, Heiða, Friðfinnur, Emma, Harpa og Bragi og hrepptu þau 3. sætið. Menntaskólinn við Hamrahlíð varð í 2. sæti og Fjölbrautaskólinn í Garðabæ bar sigur úr býtum. Nemendur á þriðja ári í kvikmyndagerð við Borgarholtsskóla sáu svo um að streyma keppninni á Facebook síðu Unglistar.
Í Leiktu betur er keppt í leiklist og spuna og er keppnin hluti af Unglist, listahátíð ungs fólks sem er vettvangur fyrir ungt og upprennandi listafólk. Eins og segir í kynningarefni fyrir hátíðina er markmiðið „gleði, spenna og óvæntar uppákomur í spuna þar sem ekkert er ákveðið fyrirfram!“

Ný nefnd hefur verið stofnuð í skólanum en nefndin kallar sig Sjarmann og er skipuð nemendum skólans. Nefndin er laganefnd og er hennar aðalmarkmið að gefa út Borgólög.
Fyrsta lagið þeirra hefur nú verið gefið út og heitir Blómstraðu í Borgó. <a href="https://open.spotify.com/track/2tbE3ePcz8eTUvM9nXReYo?si=edaa2cea622c4c95">Lagið má finna á Spotify.</a>

<div id="container_Dpkmo_Q2Wn-" class="container cursorPointer focusable" tabindex="0" aria-label="fa0c6a71-c229-4247-bc1e-09c350ec25b5.jfif" aria-haspopup="true">
<div id="container_NTGHjXAVMX6" class="container ">Foreldrakvöld fór fram í skólanum síðastliðinn miðvikudag. Kvöldið hófst með aðalfundi foreldraráðs skólans en eftir hann og kaffipásu var boðið upp á fræðsluerindi undir yfirskriftinni Aukið ofbeldi og ábyrgð foreldra og samfélagsins. Hvernig getum við saman stutt við ungmennin okkar?</div>
</div>
<div id="container_83sBEz_nEMB" class="container ">
<div id="container_IeE-aEMCgJ2" class="container ">
<div id="container__OtMHnmr8f4" class="container ">
<div class="text_wrapper BlockTextNone color_BlockTextBase">
Fyrirlesararnir Andrea Marel Þorsteinsdóttir og Kári Sigurðsson hafa bæði starfað með unglingum um langt skeið og hafa saman breiða fagþekkingu í málefnum ungmenna. Þau hafa ferðast um landið með fræðsluna „Fokk me &#8211; Fokk you“ sem fjallar um veruleika unglinga í tenglum við sjálfsmynd, samfélagsmiðla og samskipti. Þau hafa frætt bæði unglinga og foreldra sem og annað fagfólk sem starfar með börnum og unglingum um allt land. Í erindi sínu gáfu Andrea og Kári foreldrum og forráðafólki innsýn inn í þann veruleika sem börnin okkar búa við og ræddu við áhorfendur um hvaða áhrif forsjáraðilar geta haft á hann.
Kvöldið var verulega vel heppnað og er Andreu og Kára þakkað sérstaklega fyrir fyrirlesturinn.

</div>
</div>
</div>
</div>

Andrea og Kári með fyrirlestur fyrir forsjáraðila

Nemendur voru dugleg að nýta sér rétt sinn til lýðræðislegrar þátttöku

Hinn árlegi lýðræðisfundur Borgarholtsskóla fór fram í dag. Löng hefð er fyrir því að nemendur komi saman á sal og ræði þau málefni sem þeim eru efst í huga og varða skólalífið með áherslu á þrjú sjónarhorn: Námið og námsumhverfið, skólann sem heild og skólabraginn og félagslífið.
Fundurinn var fjölmennur og mættu fjölmargir hópar ásamt kennurum sínum til skrafs og ráðagerða auk þess sem öðrum nemendum bauðst að taka þátt. Málin voru rædd samkvæmt ákveðnu fyrirkomulagi og þess gætt að allir hefðu tillögurétt. Hóparnir settu á blað sínar tillögur ásamt hugmyndum um hvernig mætti koma þeim til framkvæmda.
Karen Ösp Birgisdóttir, lífsleikni- og félagsgreinakennari með meiru, leiddi verkefnið og fær hún hrós og þakkir fyrir frábæra fundarstjórn.

Það er töluvert hátt undir bílinn eins og má sjá

Það er nauðsynlegt að kíkja á vélina líka

Fimmtudaginn 10. október fengu nemendur og kennarar á bíltæknibrautum heimsókn. Á ferðinni voru félagar í Björgunarfélagi Hornafjarðar sem höfðu meðferðis öflugan björgunarsveitabíl. Bíllinn er mikið breyttur Ford en hann er meðal annars á 58 tommu dekkjum. Bíllinn með öllum breytingunum er metinn á um 35 milljónir. Heimsóknin vakti mikla lukku hjá bæði nemendum og starfsfólki í bíliðngreinum og eyddu þau dágóðum tíma í að skoða gripinn.
Björgunarfélagi Hornafjarðar er þakkað innlitið. Það er alltaf gaman að brjóta upp hversdaginn með svona heimsóknum.

Nemendur á þriðja ári í  grafískri hönnun hafa undanfarið unnið plaköt fyrir <a href="https://www.sim.is/torg-listamessa" target="_blank" rel="noopener">TORG Listamessu</a> sem opnar föstudaginn 4. október á Korpúlfsstöðum. Þar sýna um 40 listamenn innan SÍM, Samband íslenskra listamanna, verk sín. Einnig birtast nokkur auglýsingaplaköt, sem unnin voru af nemendum, í strætóskýlum víða um borgina. Í kaffihúsi Korpúlfsstaða verða einnig sýnd brot af þeim verkum sem nemendur í grafískri hönnun í Borgarholtsskóla hafa unnið undanfarin ár.
TORG Listamessa verður formlega opnuð föstudaginn 4. október kl. 17:00 en verður svo opin sem hér segir: 
Laugardagur 5. október 12-16 
Sunnudagur 6. október 12-16 
Laugardagur 12. október 12-16 
Sunnudagur 13. október 12-16
Nemendur hafa unnið vel undir faglegri stjórn kennara í grafískri hönnun og því um að gera að líta við á Torg Listamessu.

Nemendur fengu Hleðslu og banana í hádeginu 

Heilsuvika Borgó hefur staðið yfir alla vikuna og hefur gengið einstaklega vel. Nemendum var boðið uppá ávexti og lýsi alla morgna og í hádegishléum hafa farið fram keppnir í sippi, stigahlaupi og róðri. Á fimmtudag var svo hápunktur vikunnar og þá gátu nemendur valið sér hreyfingu í stað síðustu kennslustundanna fyrir hádegi. Hreyfingin var fjölbreytt, til að mynda var hægt að velja sér skák, zumba, handbolta, keilu, jóga, frisbígolf og spinning. Eftir hreyfinguna var nemendum boðið upp á hressingu og skemmtiatriði í matsal skólans þar sem Andri Ívarsson tróð upp.
Heilsuvikan heppnaðist mjög vel og efldi heilsuhegðun bæði nemenda og starfsfólks.
&nbsp;

Nemendur í stálsmíði í áfanganum PLV2A05 hafa unnið að því undanfarið að smíða eldstæði. Þetta verkefni felst í því að valsa plötur og velja viðeigandi rör. Nemendur teikna útflatning og skera hann út með plasmaskurðarvél. Verkefnið reynir einnig á suðukunnáttu nemenda þar sem þeir sjóða stykkin saman.
Myndin af nemendum sýnir þegar eldstæðið var prófað fyrir utan skólann og þess má geta að það virkaði nákvæmlega eins og vonir stóðu til.
Nemendur í þessum áfanga fóru einnig nýlega í vettvangsferð til Marel þar sem þau fengu að kynnast ýmsum þáttum tengdum stálssmíði svo sem beygjuvél, laserskurði, róbótasuðu, glerblæstri og samsetningu stáleininga úr ryðfríu stáli. Allar þessar vélar eru tölvustýrðar og forritanlegar en einnig sáu nemendur aðstöðuna þar sem hönnun og teikning á framleiðslunni fer fram. Heimsóknin tókst sérlega vel og voru starfsmenn Marel mjög vel undirbúnir með svör á reiðum höndum. Þeim er þakkað fyrir frábæra kynningu.

Á dögunum tók Skarphéðinn Skarphéðinsson deildarstjóri pípulagna við rausnarlegri gjöf frá lagnadeild Húsasmiðjunnar. Um er að ræða tvær beygjuvélar með tilheyrandi búnaði. Eru Húsasmiðjunni færðar kærar þakkir fyrir að standa svo rausnarlega að baki þessu mikilvæga iðnnámi.
Búnaðurinn kemur að góðum notum því aðsókn í pípulagnir var frábær nú í haust og því er hvert pláss fyllt. Umsóknartímabilið fyrir næstu önn (vorönn 2025) hefst þann 1. nóvember og stendur út mánuðinn.

Skarphéðinn Skarphéðinsson deildarstjóri pípulagna og Daníel Karl Grönvold starfsmaður lagnadeildar Húsasmiðjunnar

Styrkirnir voru veittir með viðhöfn í Höfða

Nemendafélag Borgarholtsskóla fékk á dögunum styrk úr loftslagssjóði ungs fólk. Úthlutunin fór fram í Höfða og voru það Einar Þorsteinsson borgarstjóri og Dóra Björt Guðjónsdóttir formaður umhverfis og skipulagsráðs Reykjavíkurborgar sem afhentu styrkinn, en fjölmörg önnur verkefni hlutu styrk. Loftslagssjóður ungs fólks er samstarfsverkefni Reykjavíkurborgar og Bloomberg Philanthropies. Markmið sjóðsins er að virkja ungmenni í leit að lausnum á loftslagsvandanum og styrkja ný verkefni sem vinna gegn loftslagsvánni.
Nemendafélag Borgarholtsskóla fékk styrk fyrir aukinni fræðslu um flokkun og umhverfismál. Markmiðið er að virkja nemendur til að huga betur að flokkun úrgangs, minnka matarsóun og loftslagsáhrif.
Á myndinni eru þau Edda Sóley Þórisdóttir, Dóra Björt Guðjónsdóttir, Dagmar Njarðardóttir, Guðrún Elva Kristjánsdóttir, Grétar Páll Sigursteinsson og Einar Þorsteinsson. Myndirnar eru teknar af Róberti Reynissyni og koma af Facebook síðu Reykjavíkurborgar.
<a href="https://reykjavik.is/frettir/uthlutad-ur-loftslagssjodi-ungs-folks">Nánari upplýsingar um úthlutunina er að finna á vef Reykjavíkurborgar. </a>

Edda Sóley Þórisdóttir, Dóra Björt Guðjónsdóttir, Dagmar Njarðardóttir, Guðrún Elva Kristjánsdóttir, Grétar Páll Sigursteinsson og Einar Þorsteinsson í Höfða.

Sölvi eftir hlaupið með verðlaun fyrir góðan árangur 

Bakgarðshlaup Náttúruhlaupa fór fram í Heiðmörk um helgina. Um er að ræða utanvegahlaup þar sem keppendur hlaupa sama 6,7 km hringinn þangað til einn keppandi er eftir og stendur sá uppi sem sigurvegari. Lagt er af stað í nýjan hring á heila tímanum og hafa keppendur því eina klukkustund til að hlaupa hringinn og safna orku fyrir næsta hring.
250 keppendur hófu keppni á laugardagsmorguninn. Í ár var sérstaklega spennandi að fylgjast með hlaupinu þar sem tveir brautskráðir Borghyltingar stóðu sig einstaklega vel. Þetta voru þau Sölvi Snær Egilsson og Þórhildur Vala Kjartansdóttir.
Sölvi Snær náði besta árangri í karlaflokki og hljóp alls 234,7 km eða 35 bakgarðshringi. Sölvi útskrifaðist frá skólanum 2022 af viðskipta &#8211; og frumkvöðlabraut og íþróttaakademíunni. 
Þórhildur Vala, fyrrum forseti Nemendafélags Borgarholtsskóla, útskrifaðist af málabraut og íþróttaakademíu árið 2016. Hún hljóp 11 hringi eða 75 km sem er mikil bæting hjá henni og frábær árangur.
Þessu flotta íþróttafólki er óskað innilega til hamingju með frábæran árangur.
Myndirnar koma frá <a href="https://sportmyndir.is/#/">Sportmyndir.is</a>

Í síðustu viku komu Samfélagslöggur í heimsókn í Borgarholtsskóla. Þau Birta og Unnar hittu alla nýnema skólans. Þau voru með margvíslega fræðslu um störf lögreglunnar og eftir það fengu nemendur tækifæri á að spyrja þau spurninga.
Heimsóknirnar vöktu mikla lukku og er Samfélagslöggunum þakkað kærlega fyrir innlitið.
Meðfylgjandi mynd er tekin þar sem fallega haustveðrið var nýtt í körfubolta með Unnari samfélagslöggu.

Helgina 6. og 7. september fór fram Rallý Reykjavík þar sem 36 keppendur tóku þátt á 18 bílum. Í þessum hópi voru 5 nemendur Borgarholtsskóla. Ingvi Björn Birgisson og Adam Máni Valdimarsson kepptu á Subaru Impreza en þeir settu hraðamet á leiðinni um Kaldadal og sigruðu í keppninni. Adam Máni er nýnemi í Borgarholtsskóla og varð yngsti keppandinn sem vinnur rallýkeppni á Íslandi, einungis 15 ára gamall. Einnig kepptu Karítas Birgisdóttir og Helena Ósk Elvarsdóttir en Helena Ósk er nemandi í bílamálun. Þær tryggðu sér Íslandsmeistaratitil í E1000 flokki smábíla.
Nemendum Borgarholtsskóla er óskað innilega til hamingju með frábæran árangur og augljóst að þau eiga bjarta framtíð í rallýinu.
&nbsp;

Karítas og Helena tryggðu sér Íslandsmeistaratitil

Nemendur og starfsfólk Borgarholtsskóla sýndu samhug og heiðruðu minningu Bryndísar Klöru með því að klæðast bleiku fimmtudaginn 5. september. Meðfylgjandi mynd var tekin á bílastæði skólans þar sem nemendur og starfsfólk mynduðu hjarta.
Fjölskyldu og vinum Bryndísar Klöru er vottuð innileg samúð á þessum erfiðu tímum.

Starfsfólk og nemendur mynduðu hjarta á bílastæði skólans

Vígalegir nemendur á leið í paintball

Rúmlega 400 nýnemar setjast á skólabekk í Borgarholtsskóla nú í haust. Þann 19. ágúst var nýnemadagur í skólanum þar sem nýir nemendur í dagskóla komu í hús og fengu kynningu á skólanum og þeirri fjölbreyttu þjónustu sem í boði er, t.d. námsráðgjöf, bókasafni og nemendafélagi. Því næst hittu þau umsjónarkennara sína sem kenna þeim lífsleikni og kynntust samnemendum sem munu fylgjast að á skólaárinu. Nýnemum var boðið upp á grillaðar pylsur og ís í hádeginu áður en haldið var í Skemmtigarðinn í Gufunesi þar sem nemendur skemmtu sér saman í ýmiss konar hópefli.
Seinna sama dag var kynningarfundur fyrir foreldra nýnema þar sem foreldrar komu, fengu kynningu á starfi skólans og hittu umsjónarkennara barna sinna. Var mæting afar góð, yfir 400 áhugasamir foreldrar og forráðafólk var mætt á fundinn.
Nýnemadagurinn tókst með eindæmum vel og veitti nemendum gullið tækifæri til að koma í skólann og kynnast samnemendum sínum áður en formlegt skólastarf hófst.

Nýnemar streymdu inn og fylltu matsal skólans

Nú líður að upphafi haustannar en kennsla hefst samkvæmt stundaskrá hjá nemendum í dagsskóla þriðjudaginn 20. ágúst. Stundatöflur og námsgagnalista er að finna á námsvefnum <a href="https://inna.is/">www.inna.is</a>.
<ul>
<li>Mánudaginn 19. ágúst frá kl. 9-15 er nýnemadagur. Nýnemar eru beðnir að mæta klæddir eftir veðri.</li>
<li>Mánudaginn 19. ágúst kl. 16.30 er foreldrakynning í matsal skólans fyrir foreldra nýnema.</li>
<li>Tilvonandi útskriftarnemar sem hyggja á útskrift á þessu skólaári geta komið og fengið ráðgjöf varðandi áfangaval hjá áfangastjóra og sviðstjórum eftir hádegi mánudaginn 19. ágúst og allan þriðjudaginn 20. ágúst.</li>
<li>Kennsla í málmiðngreinum og pípulögnum í kvöldskóla hefst  þriðjudaginn 20. ágúst. </li>
<li>Fyrsta dreifnámslota annarinnar fyrir nemendur á félagsvirkni- og uppeldissviði er 23.-24. ágúst.</li>
<li>Fimmtudaginn 22. ágúst kl. 17 er <a href="https://us06web.zoom.us/j/81622273728?pwd=jabg2duRCuqWGa9cNJFeOgs1hZ2u9V.1">kynningarfundur fyrir dreifnámsnemendur á zoom.</a></li>
</ul>

Í dag tóku stjórnendur Borgarholtsskóla á móti góðum gestum sem voru; Ásmundur Einar Daðason, mennta- og barnamálaráðherra, Einar Þorsteinsson, borgarstjóri, Helgi Grímsson, fræðslustjóri Reykjavíkur auk Hildar Georgsdóttur, framkvæmdastjóra þjónustusviðs FSRE og sérfræðinga ráðuneytisins.  Góðar umræður urðu um fyrirhugaða stækkun Borgarholtsskóla, uppbyggingar í Grafarvogi, samstarf Borgarholtsskóla og grunnskólanna í Grafarvogi og skólamál almennt.
&nbsp;

Magnea, Helgi, Ásmundur, Ársæll, Einar og Ásta Laufey

Aðalheiður Karen Dúadóttir tekur á móti verðlaununum

Patrick Le Ménès sendiráðunautur ásamt verðlaunahöfunum

Velkomin í Borgó

Á næstunni

.

Mexico grænmetissúpa, sýrður rjómi, rifinn ostur og nachos

Mexico kjúklingasúpa, sýrður rjómi, rifinn ostur og nachos

Fréttir

Nýnemadagur

Upphaf haustannar 2025

Laxness-bíllinn kominn heim